जागतिक महिलादिन निमित्त महिलांच्या सन्मानार्थ जिल्हा परिषद शाळा खानापूर मध्ये विविध उपक्रमांचे आयोजन.

 

आज ८ मार्च जागतिक महिला दिना निमित्त जिल्हा परिषद शाळा खानापूर मध्ये महिलांच्या सन्मानार्थ विविध उपक्रमांचे आयोजन करून साजरा करण्यात आला. खानापूर नगरी मध्ये स्वच्छतेच्या क्षेत्रात योगदान देणाऱ्या महिलांचा सत्कार करण्यात आला. तसेच शिक्षण क्षेत्रात भरीव योगदान देणाऱ्या सौ. विजया घुटुगडे मॅडम, सौ. ललिता खूपसे मॅडम, सौ. रंजना भंडारे मॅडम , सौ वंदना बुचडे मॅडम (मुख्याध्यापिका जि प शाळा मेंगानवाडी), सौ. रेखाताई ठोंबरे मॅडम (मुख्याध्यापिका जि. प. शाळा मोही). गावित मॅडम व जयश्री तोडकर मॅडम (पदवीधर शिक्षिका जि. प . शाळा बलवडी यांचा शिक्षण क्षेत्रातील अमूल्य योगदान बद्दल सन्मान करण्यात आला.

               कर्तुत्वान  महिला बद्दल विद्यार्थ्यानी मनोगत व्यक्त केली. तसेच मुलांना कर्तुत्वान महिलांच्या बद्दल अधिक माहिती प्रोजेक्टर च्या साहाय्याने दाखविण्यात आली.

              तसेच  महिलांच्या सन्मानार्थ मुलींच्या व महिलांच्या संगीत खुर्ची चे आयोजन करण्यात आले. यामध्ये मुलांनी मुलींनी व शिक्षिकांनी  आनंद घेतला.मुलींच्या संगीत खुर्ची स्पर्धेत १) नजहत पिरजादे इ २ री,२) बिबीआयेशा इ ३री ३) शौर्या  इ १ ली ४) ऐश्वर्या इ ४थी या मुलींनी  यश संपादन केले.

              शिक्षिकांच्या संगीत खुर्ची स्पर्धेत सौ. माया पाटील मॅडम यांनी प्रथम क्रमांक मिळविला. द्वितीय क्रमांक रंजना भंडारे मॅडम यांनी मिळविला. तसेच वंदना बुचडे मॅडम, ललिता खूपसे मॅडम , रेखाताई ठोंबरे मॅडम, विजया घुटूगडे मॅडम, जयश्री तोडकर मॅडम, गावित मॅडम यांनी स्पर्धेमध्ये भाग घेतला. कार्यक्रमाचे आयोजन जि. प. शाळा खानापूर चे मुख्याध्यापक श्री. तानाजी ठोंबरे सर यांनी केले. कार्यक्रमाचे सूत्रसंचालन  जिल्हा परिषद शाळा खानापुर चे ज्येष्ठ शिक्षक श्री.किरण शिवशरण सर व पदवीधर शिक्षक सन्मानिय श्री.दीपक शितोळे सर  यांनी केले. आभार श्री. सोमनाथ शिंदे सर यांनी मानले. कार्यक्रम यशस्वी करण्यास सौ. शोभा  तांदळे मॅडम व अमर जाधव सर , सारिका जाधव मॅडम यांचे सहकार्य लाभले तसेच खेडकर सर, सचिन माने सर ,बुचडे सर , शकील मुल्ला सर, शंकर भोसले सर (मुख्याध्यापक जि. प. शाळा बलवडी)  श्री. फिरोज नदाफ सर यांचे उपस्थितीत कार्यक्रम पार पडला.

           

खानापुर (विटा ) तालुका स्तर शाळा व्यवस्थापन समिती सक्षमीकरण प्रशिक्षण उत्साहात संपन्न.

 

खानापूर तालुकास्तर शाळा व्यवस्थापन समिती सक्षमीकरण प्रशिक्षण विटा न प शाळा नंबर २ मध्ये दिनांक ०४/०३/२०२२ ते ०५/०३/२०२२ या कालावधीत  आयोजित करण्यात आले.खानापुर तालुक्याच्या गटशिक्षणाधकारी श्रीमती अनुराधा म्हेत्रे मॅडम यांच्या मार्गदर्शना नुसार अतिशय उत्कृष्टरीत्या शाळा व्यवस्थापन सक्षमीकरण प्रशिक्षण संपन्न झाले. सदर प्रशिक्षणातून शाळा व्यवस्थापन समितीची रचना कार्य जबाबदारी ; गुणवत्ता पूर्ण शिक्षणात शाळा व्यवस्थापन समितीचे योगदान; निपुण भारत अभियान , बालकांचे हकक व सुरक्षितता, शालेय आपत्ती व्यवस्थापन, शालेय आर्थिक व्यवस्थापन , शालेय विकास आराखडा, शाळेचे सामाजिक अंकेक्षण याबाबत मार्गदर्शन करण्यात आले.प्रशिक्षणात सर्व शिक्षकांनी छान गटकार्य सादर केले. तज्ञ मार्गदर्शक म्हणून सन्मानिय खानापुर , पळशी, रेणावी केंद्राचे केंद्रप्रमुख श्री. सुरेश मंडले साहेब, जिल्हा परिषद शाळा खानापूरचे सहशिक्षक श्री. सोमनाथ शिंदे सर , तसेच खानापूर तालुका स्तरीय समन्वयक व मार्गदर्शक खानापूर पं.स विषयतज्ञ सौ. निर्मला यादव मॅडम यांनी छान मार्गदर्शन केले.

      तसेच सन्मानिय केंद्रप्रमुख श्री.सानप साहेब , जिल्हा स्तरीय मार्गदर्शक श्री. कुंभार सर, श्री.कोळेकर सर, तसेच श्री लवळे सर यांनी प्रशिक्षणाला भेट देवून मार्गदर्शन केले.

             खानापूर पंचायत समिती च्या वतीने उत्तम जेवणाचे व चहापानाचे व्यवस्था करण्यात आली व न. प शाळा नंबर दोन चे मुख्याध्यापक श्री. पाटिल सर यांनी प्रशिक्षण साठी हॉल व प्रोजेक्टर उपलब्ध करून देवून प्रशिक्षणासाठी मोठे सहकार्य केले.

शाळा व्यवस्थापन समिती सक्षमकरण प्रशिक्षणातील क्षणचित्रे

पाहण्यासाठी खालील लिंक वर क्लिक करा .

प्रशिक्षण अधिक फोटो पाहण्यासाठी येथे क्लिक करा.