जिल्हा परिषद शाळा मादळमुठी मध्ये स्वातंत्र्यदिन सोहळ्यानिम्मित गुणवंत विद्यार्थी सत्कार व कवायत संचलन

 

 

                                         आज १५ ऑगस्ट निमित्त ग्रामपंचायत मादळमुठी ,सर्व सेवा सोसायटी व जिल्हा परिषद शाळा मादळमुठी येथे ध्वजारोहन मोठ्या दिमाखात पार पडला .  जिल्हा परिषद शाळा मादळमुठी मध्ये आज स्वातंत्र्यदिन सोहळ्यानिम्मित कै.मारुती राजाराम सावंत यांच्या स्मरणार्थ  सदाशिव राजाराम सावंत ,विकास मारुती सावंत व महादेव मारुती सावंत यांच्या वतीने गुणवंत  विद्यार्थी सत्कार सोहळा  संपन्न झाला .इयत्ता १ ली ते ८ वी पर्यंतच्या सर्व गुणवंत विद्यार्थ्यांचा सत्कार करण्यात आला .स्वयंम अमोल चिंचणकर , समृद्धी सुनील यादव,तपस्या तुकाराम बेंजारपे  या विद्यार्थ्यांचा  गुणवत्ता यादीत  नंबर आल्याबद्दल सत्कार करण्यात आला .याच प्रमाणे मंथन परीक्षेमध्ये यशस्वी विद्यार्थ्यांचा सत्कार करण्यात आला .

        

  

तसेच सन्मानिय किसान गोपाळा सावंत यांनी  कै.गोपाळा राऊ सावंत  यांच्या स्मरणार्थ जिल्हा  परिषद शाळा मादळमुठी शाळेस  उर्वरित सर्व व्हरांडा रंगकाम  ,गेट ,कंपाऊड रंगकाम  करून देण्याचे जाहीर केले .शाळेचे मुख्याध्यापक श्री कादर आत्तार सर यांनी त्याचा सत्कार केला .

सन्मानिय बाबुराव यशवंत भगत माजी ग्रामपंचायत सदस्य   व गोल्ड उद्योजक सत्यवान यशवंत भगत  यांनी शाळेला CCTV बसवून देण्याचे जाहीर केले .सत्यवान भगत व बाबुराव भगत यांनी यापूर्वी शाळेला संगणक संच भेट दिला आहे .

     मादळमुठी गावाचे सरपंच सन्मानिय केदारी नामदेव भारते व शाळा व्यवस्थापन समिती अध्यक्ष  राजेंद्र भारते यांनी सर्व विद्यार्थ्यांना व ग्रामस्थांना नाष्टा दिला तसेच शाळेच्या विकासात सर्व सहकार्य करण्याचे जाहीर केले .

   कार्यक्रमाच्या सुरवातीला विद्यार्थ्यांनी कवायत  संचालन केले .मोठ्या उत्सहात स्वातंत्र्य दिन साजरा करण्यात आला .

कार्यक्रम प्रसंगी मादळमुठी  गावचे सरपंच ,उपसरपंच ,माजी सरपंच ,माजी उपसरपंच ,पोलीस पाटील ,ग्रामपंचायत सदस्य ,माजी ग्रामपंचायत सदस्य ,शाळा व्यवस्थापन समिती अध्यक्ष व  सदस्य ,सर्व सेवा सोसायटी चेअरमन ,व्हाईस चेअरमन संचालक सर्व अंगणवाडी सेविका व कार्यकर्त्या सर्व शिक्षक वर्ग व पालक उपस्थित होते. 

स्वातंत्र्यदिन सोहळा २०२५ ची क्षणचित्रे 

सेम क्रॉप ग्रीन इन्फ्रा लिमिटेड कंपनीमार्फत जि. प. शाळा मादळमुठी शाळेस दहा लाख रुपयांची प्रयोगशाळा मंजूर .

                                            जिल्हा परिषद शाळा मादळमुठी शाळेस सेम क्रॉप ग्रीन इन्फ्रा लिमिटेड या कंपनी मार्फत दहा लाख रुपयाची प्रयोगशाळा मंजूर झाली असून त्या निम्मित्ताने जिल्हा परिषद प्राथमिक शाळा मादळमुठी या ठिकाणी रस्ते सुरक्षा व जागरूकता या विषयावर व्याख्यान आयोजित केले गेले होते. सेम क्रॉप ग्रीन इन्फ्रा लिमिटेड या कंपनीचे सेफ्टी मॅनेजर माननीय संभाजी वडाम यांचे रस्ते सुरक्षितता व जागरूकता या विषयावरती व्याख्यान झाले. रस्त्यावरून जात असताना वाहतुकीचे नियम पाळणे, हेल्मेट वापरणे, सिट बेल्ट वापरणे या संबंधी त्यांनी विद्यार्थ्यांना मार्गदर्शन केले. यावेळी कंपनीचे साईट मॅनेजर मनोज माळी  यांनीही आपले मनोगत व्यक्त केले. सदर कार्यक्रम  पुर्वी सेम क्रॉप ग्रीन इन्फ्रा लिमिटेड कंपनी तर्फे शाळेला प्रयोग शाळेचे साहित्य प्रदान करण्यात आले.लवकर जिल्हा परिषद शाळा  मादळमुठी  शाळेला सुसज्ज प्रयोगशाळा पूर्ण होईल त्याचा परिसरातील सर्व शाळांना होईल.अशी माहिती सन्मानिय वडाम साहेबांनी दिली.कार्यक्रमाचे अध्यक्ष शाळेचे मुख्याध्यापक माननीय कादर अत्तार सर हे होते. कार्यक्रमास मा. मनोज माळी, मा. भाऊसाहेब देशमुख, मा.कृष्णा अंबिकर, मा.वैभव कवडे, मा. दत्तात्रय चव्हाण साहेब, पदवीधर शिक्षक अशोक घाडगे सर, सुप्रिया चोथे मॅडम, श्री सोमनाथ शिंदे सर, मिनाक्षी बेंजारपे मॅडम, महेश यादव सर उपस्थित होते.